टुथपेस्ट किन्न जाँदा नियम उल्लंघन, शनिबार औसबर्गका मुख्य प्रशिक्षक नहुने
<p>काठमाडौं। जर्मन बुन्डेसलिगाको क्लब औसबर्गका मुख्य प्रशिक्षक हाइको हार्लिचले क्‍वारेन्टाइनको नियम उल्लंघन गरेका कारण लिग पुन: शुरू हुँदाको खेल गुमाउने भएका छन्। उनी टुथपेस्ट किन्‍न होटलबाट बाहिर निस्किएका थिए। </p>
<p>शनिबारदेखि शुरू हुने लिगमा हार्लिचको औसबर्गले उल्फबर्गसँग प्रतिस्पधा गर्नेछ। उनले बिहीबार पसल जाँदा नियम उल्लंघन भएको बताएका थिए। </p>
<p>गत साताबाट लिगको तयारी गर्नका लागि जर्मन लिग क्लबका खेलाडीहरू क्‍वारेन्टाइनमा बसेका छन्। ‘‘होटेल छाडेर मैले गल्ति गरें,’’ हार्लिचले विज्ञप्तिमा भनेका छन्। </p>
<p>क्लबले ४८ वर्षे हार्लिचलाई १० मार्चमा मात्र अनुबन्ध गरेको थियो। उनी उल्फबर्गविरुद्धको खेलबाट पहिलो पटक घरेलु मैदानमा खेल्दै थिए। </p>
<p>‘‘मैले होटलमा बस्दा होस वा बाहिर सधै हाइजिन उपाय अबलम्बन गरेको छु। अहिले म केही भन्‍न सक्दिनँ,’’ हार्लिचले भने, ‘‘मेरो टीम र सर्वसाधारणका लागि बनाइएको यो नियdमा म केही गर्न सक्दिनँ। मेरो गल्तिका कारण शुक्रबार हुने अभ्यासमा सामेल हुने छैन र शनिबार उल्फबर्गविरुद्धको खेलमा पनि प्रशिक्षकमा रूपमा हुनेछैन।’’ </p>
<p>खेलअघिको भएको भिडियो कन्फेरेन्समा हार्लिचले थपे, ‘‘मसँग टुथपेस्ट थिएन। त्यसैले किन्‍नका लागि बजार निस्केको थिएँ।’’</p>
<p>औसबर्गले खेलाडी र कर्मचारीको नियमित कोरोना भाइरस परीक्षण भइरहेको जनाएको छ। अब हार्लिच कोरोना भाइरस परीक्षणमा दुई पटक नेगेटिभ नतिजा आएपछि मात्र ट्रेनिङमा सामेल हुन पाउने छन्। </p>
<p>औसबर्ग अहिले बुन्डेसलिगाको १४औं स्थानमा छ। जुन रेलिगेशन क्षेत्रको टीमभन्दा पाँच अंकले मात्र माथि हो।</p>
प्रतिक्रिया दिनुहोस्
.jpg)
