लकडाउनकै बीचमा भारतीय अधिकारीले धमाधम पास दिएर नेपालीलाई पठाउन थाले
<p>कैलाली । भारतका विभिन्‍न शहर र जिल्लाका सरकारी अधिकारीले पास दिएर नेपालीलाई नेपालतर्फ पठाइरहेको खुलेको छ ।</p>
<p>जबकि, नेपालमा रहेका भारतीय र भारतमा रहेका नेपाली नागरिकहरूलाई एकअर्का देशमै राख्‍ने सहमति दुई मुलुकका सरकारबीच भएको थियो । भारतीय अधिकारीहरूले उक्त सहमति उल्लंघन गर्दै आफ्नो भूमिमा रहेका नेपाली नागरिकलाई धमाधम फर्काइरहेका छन् ।</p>
<p>भारतीय जिल्ला अधिकारीहरूले नेपाल प्रवेश गर्ने नेपालीको सूची तयार पारेर बाटोमा कहींकतै रोकटोक नगर्न भन्दै पास थमाउँदै नेपाली नागरिकलाई पठाइरहेका छन् ।</p>
<p>भारतको बडोदरा जिल्लाका कलेक्टरले कमलसिंह थापाको निवेदनका आधारमा ५७ जना नेपालीलाई पास उपलब्ध गराएर पठाएका छन् ।</p>
<p>त्यहाँबाट कलेक्टरको पासमा निर्वाध रूपमा आएका उनीहरू भारतको खटिमामा रोकिएका छन् । हिजो साँझ खटिमा आएका उनीहरूलाई एसएसबीले नेपाल प्रवेश गर्न भने दिएन ।</p>
<p>उनीहरुलाई त्यहाँका कलेक्टरले पाँच दिनअघि अर्थात ५ मेमा पास उपलब्ध गराएका थिए । </p>
<p>यसैगरी भारतका विभिन्‍न शहरबाट नेपालीहरू त्यहाँका सुरक्षाअधिकारीको पासमा नेपाल आउने क्रम तीव्र बनेको छ । हिजो दिउँसो यसैगरी १५ जना नेपाली गुजरातबाट आएका थिए । उनीहरू पनि भारतीय शहर खटिमामा अलपत्र परेका छन् ।</p>
<p>दुई मुलुकको सीमामा आएर लुकिछिपी नेपाल प्रवेश गर्ने गरेकाले कोभिड-१९ को महामारी अझ फैलिने जोखिम बढेको छ ।</p>
प्रतिक्रिया दिनुहोस्
.jpg)
