धनगढीमा ३४ दिनमा आठ सय ८० जनाको परीक्षण, सबैको रिपोर्ट नेगेटिभ
<p>कैलाली । आरटी-पीसीआर मेसिनमार्फत कोभिड-१९ परीक्षण शुरु भएको ३४ दिनमा धनगढीमा आठ सय ८० जनाको नमूना परीक्षण भएको छ।</p>
<p>परीक्षण गरिएका सबै नमूनाको रिपोर्ट नेगेटिभ आएको प्रदेश स्वास्थ्य निर्देशनालय डोटीले जनाएको छ। </p>
<p>संघीय सरकारले गत २६ चैतमा नेपाली सेनाको स्काइभ्यानमार्फत आरटी-पीसीआर मेसिन धनगढी पठाएको थियो । उक्त मेसिन धनगढीस्थित पशुपन्छी रोग अन्वेषण प्रयोगशालामा जडान गरिएपछि २९ चैतदेखि परीक्षण थालिएको थियो ।</p>
<p>अहिले प्रयोगशालामा एक सय ९२ जनाको थ्रोट स्वाबको नमूना परीक्षण गर्न बाँकी छ ।</p>
<p>यसैबीच, कैलालीबाट बर्दिया पुगेकी बालिकामा कोरोना संक्रमण देखिएपछि उनको सम्पर्कमा आएका कैलालीका एक सय एकजनाको रिपोर्ट नेगेटिभ आएको छ। </p>
<p>गोदावरी नगरपालिका-८ मजगाउँका ९६ र भजनी नगरपालिका-१ का पाँचजनाको रिपोर्ट पनि नेगेटिभ आएको छ । </p>
<p>गोदावरी नगरपालिका-८ मजगाउँका थप ३८ जनाको रिपोर्ट भने आउन बाँकी छ ।</p>
प्रतिक्रिया दिनुहोस्
.jpg)
