लकडाउनमा नगरपालिकाको रोजगारी :‘वाटरपार्क’ निर्माणमा जुटे मजदुर
<p>नेपालगञ्‍ज। विपन्‍न परिवारका नागरिकलाई रोजगारी दिने उद्देश्यले नेपालगञ्‍ज उपमहानगरपालिकाले ‘वाटरपार्क’ निर्माण अगाडि बढाएको छ।</p>
<p>लकडाउनका कारण रोजगारी गुमाएका मानिसलाई लक्षित गर्दै काम अगाडि बढाइएको उपमहानगरले जनाएको छ।</p>
<p>लकडाउनका आधारभूत मापदण्ड पालना गर्दै शुरु गरिएको वाटरपार्क निर्माणमा ५१ जनालाई रोजगारी दिइएको छ।</p>
<p>नेपालगञ्‍ज-१ धम्बोझीस्थित पार्कलाई नगरको पर्यटकीय स्थल बनाउने लक्ष्य रहेको नगर प्रमुख डा. धवलशम्शेर राणाले बताए।</p>
<p>वाटरपार्कको कुल ६५ बिघामध्ये १० बिघा तलाउले ओगटेको छ। तलाउलाई नौका बिहार र पौडी पोखरीका रूपमा विस्तार गर्ने योजान छ। पार्कमा फूलबारी, बाल उद्यान र व्यापारिक प्रयोजनका पसललगायत संरचना निर्माण हुनेछन्। वाटरपार्क क्षेत्रभित्र ६ देखि १८ मिटरसम्मको पक्की सडक निर्माण गरिने छ नेपालगञ्‍जको सुर्खेत सडकदेखि बर्दियाको गुलरिया सडक जोड्ने २१ मिटर चौडाइको मुख्य सडक पनि पार्कसँग जोडिने छ। <em><strong>रासस</strong></em></p>
प्रतिक्रिया दिनुहोस्
.jpg)
