चीनसँग सम्बन्ध तोड्ने ट्रम्पको धम्की
<p>वासिङ्टन। अमेरिकी राष्‍ट्रपति डोनाल्ड ट्रम्पले फेरि चीनसँग सम्बन्ध तोड्ने धम्की दिएका छन्। </p>
<p>“हामी जे पनि गर्न सक्छौं, सबै सम्बन्ध तोड्न सक्छौं,” फक्स बिजनेसलाई दिएको अन्तरवार्तामा ट्रम्पले भने, “यदि त्यस्तो भयो भने के हुन्छ थाहा छ ? सबै सम्बन्ध तोड्यौं भने पाँच सय अर्ब डलर बच्‍नेछ।”</p>
<p>उनको इशारा चीनसँगको द्विपक्षीय व्यापारमा अमेरिकाको विशाल घाटातिर थियो। </p>
<p>कोरोना भाइरस संक्रमणलाई लिएर राष्‍ट्रपति ट्रम्पले मुआब्जाका लागि दबाब दिँदै आएका छन्। त्यसैले हो, उनले महामारीको सुरुवातको जानकारी चीनले लुकाएको आरोप लगाउँदै आएको पनि।</p>
<p>चीनले ट्रम्पको आरोप लगातार अस्वीकार गर्दै आएको छ। ट्रम्पको चीनविरोधी अभिव्यक्ति आगामी नोभेम्बरमा हुन लागेको राष्‍ट्रपति चुनावमा लोकप्रियता हासिल गर्ने रणनीति पनि देखिएको छ।</p>
<p><strong>यो पनि पढ्नुहोस्</strong><br />
<a href="https://dekhapadhi.com/news/12655" target="_blank">अमेरिकी सिनेटबाट चीनविरुद्ध प्रस्ताव पारित</a></p>
प्रतिक्रिया दिनुहोस्
.jpg)
