भारतको क्वारेन्टाइनमा रहेका झण्डै ५०० जनालाई नेपाल भित्र्याइयो
<p>राँझा। भारतको क्वारेन्टाइनमा रहेका करीब ५०० नेपालीलाई नेपालगञ्‍ज नाकाबाट नेपाल ल्याइएको छ।</p>
<p>सीमावर्ती भारतीय शहरका विभिन्न क्वारेन्टाइनमा रहेका नेपालीलाई स्वदेश ल्याइएको बाँकेका प्रमुख जिल्ला अधिकारी कुमारबहादुर खड्काले बताए।</p>
<p>भारतको बहराइच आसपासका क्वारेन्टाइनमा रहेका नेपालीलाई पहिलो चरणमा ल्याइएको छ।</p>
<p>जमुनाहा ल्याएपछि उनीहरूको नाम र ठेगानाको लगत राखेर आरडीटी परीक्षण गरी सम्बन्धित जिल्लामा पठाइएको छ।</p>
<p>स्वास्थ्य परीक्षणका लागि नेपाली सेनाले सीमानाका जमुनाहमा पालबाट अस्थायी जाँच कक्ष तयार गरेको छ।</p>
<p>आजै यहाँका विभिन्न क्वारेन्टाइनमा रहेका भारतीयलाई पनि भारततर्फ पठाइएको छ ।</p>
<p>नेपालगञ्जको महेन्द्र बहुमुखी क्याम्पस र कोहलपुरको श्रीराम माध्यमिक विद्यालयको क्वारेन्टाइनमा रहेका उनीहरूलाई भारत पठाइएको जिल्ला स्वास्थ्य कार्यालय, बाँकेका अधिकृत एवं कोरोना फोकल पर्सन नरेश श्रेष्ठले जानकारी दिए। <em>रासस</em></p>
प्रतिक्रिया दिनुहोस्
.jpg)
