विराटनगरमा थप एकजना कोरोनामुक्त, प्रदेश १ मा १७ जना निको भए
<p>विराटनगर। विराटनगरस्थित कोरोना विशेष अस्पतालबाट थप एकजना कोरोना संक्रमित डिस्चार्ज भएका छन्।</p>
<p>योसँगै प्रदेश १ मा कोरोना मुक्त भइ घर फर्किनेको संख्या १७ जना पुगेको छ।</p>
<p>आज निको हुनेमा २५ वर्षीया भारतीय नागरिक रहेको प्रदेश १ कोभिड-१९ अनुगमन तथा प्रतिवेदन सचिवालयका प्रमुख ज्ञानबहादुर बस्‍नेतले देखापढीलाई बताए।</p>
<p>उनको पछिल्लो दुई वटा थ्रोट स्वाब नतिजा नेगेटिभ आएको थियो।</p>
<p>उनी उदयपुरको त्रियुगा नगरपालिका-३ भुल्केमा संक्रमित भेटिएका थिए। ५ वैशाखमा कोशी अस्पतालमा उनलाई भर्ना गरिएको बस्‍नेतले जानकारी दिएका छन्।</p>
<p>प्रदेश १ मा भोजपुर, झापा र उदयपुरमा गरी ३५ जना कूल संक्रमित फेला परेका थिए।</p>
<p>अब अस्पतालको आइसोलसनमा १८ जना उपचाररत् छन्। उनीहरूको स्वास्थ्य अवस्था सुधारोन्मुख रहेको छ।</p>
प्रतिक्रिया दिनुहोस्
.jpg)
