तीन रणनीतिका साथ १० दिनमा १० हजारबढीको कोभिड-१९ परीक्षण गर्दै प्रदेश १ सरकार
<p>विराटनगर। प्रदेश १ मा शंकास्पद १० हजारबढीको कोभिड-१९ परीक्षण गरिने भएको छ।</p>
<p>प्रदेशका १४ जिल्लामा 'हट स्पट', 'कन्ट्याक्ट ट्रेसिङ' र 'पुलिङ' तीन विधिबाट थ्रोट स्वाब नमूना परीक्षण गर्न लागिएको सामाजिक विकास मन्त्रालयले जनाएको छ।</p>
<p>अहिलेसम्म संक्रमित फेला परेको क्षेत्र, बिरामीको संक्रमणमा आएका व्यक्तिहरूको परीक्षणलाई प्राथमिकतामा राखिएको छ। त्यस्तै पुलिङ विधिमार्फत शंकास्पद पाँचजनाको स्वाब एकै ठाउँमा राखेर परीक्षण गरिनेछ।</p>
<p>यस विधिमा नतिजा पोजिटिभ देखिए मात्र पाँचजनाको छुट्टाछुट्टै परीक्षण गरिन्छ। केही दिनयता मन्त्रालयले किट वचतको लागि यो विधि अपनाउँदै आएको छ।</p>
<p>भारतमा रेल सेवा शुरू भएसँगै सीमाबाट भित्रिन सक्ने र जोखिमको आँकलन गर्दै परीक्षण गर्न लागिएको सामाजिक विकास मन्त्री जीवन घिमिरेले बताएका छन्।</p>
<p>प्रदेश जनस्वास्थ्य प्रयोगशाला, धरानस्थिन बिपी कोइराला स्वास्थ्य विज्ञान प्रतिष्ठान धरान, कोशी अस्पताल विराटनगरका प्रतिनिधिहरूँग मन्त्रालयमा छलफलको क्रममा परीक्षणको लागि तीनदिन भित्र मापदण्ड तयार गर्न जिम्मेवारी तोकिएको छ। </p>
<p>त्यसका लागि बिपी कोइराला स्वास्थ्य विज्ञान प्रतिष्‍ठानकमा कार्यरत प्रा.डा. वसुधा खनालको संयोजकत्वमा ७ सदस्यीय समिति गठन गरिएको छ।</p>
<p>समिति सदस्यहरूमा डा.सुरेश मेहता, जयवेन्द्र यादव, डा.कमाना शर्मा, डा. सन्तोष काफ्ले, केशव राई र सदस्य सचिवमा डा. नारायण भट्टराई छन्।</p>
प्रतिक्रिया दिनुहोस्
.jpg)
