संक्रमित बालिकाको उपचारमा संलग्न चिकित्सक र नर्ससमेत ३८ जना क्वारेन्टाइनमा
<p>काठमाडौं। त्रिवि शिक्षण अस्पतालमा उपचाररत ६ वर्षीय बालिकामा कोरोना संक्रमण देखिएपछि अस्पतालका चिकित्सक र नर्स गरी ३८ जनालाई क्‍वारेन्टाइनमा राखिएको छ।</p>
<p>बिरामीको उपचारमा खटिएका चिकित्सक, नर्स र क्लिनर्सलाई समेत क्‍वारेन्टाइनमा राखिएको अस्पतालका कोरोना भाइरस व्यवस्थापन समिति संयोजक डा. सन्तकुमार दासले जानकारी दिए। </p>
<p>“घरमा आइसोलेटेड बस्‍न सक्नेलाई घरमै बस्‍न भनिएको छ, घरमा बस्‍न जोखिम हुनेहरूलाई अस्पतालकै क्‍वारेन्टाइनमा राखिएको,” उनले देखापढीसँग भने। उपचारमा संलग्‍न चिकित्सक, नर्स, ल्याब र रेडियोलोजीका स्वास्थ्यकर्मीलाई क्‍वारेन्टाइनमा राखिएको छ। </p>
<p>६ वर्षीया बालिकालाई उपचार गराउन अस्पताल ल्याएका हजुरबुवा र आमालाई आइसोलेसनमै राखिएको छ। </p>
<p>अस्पतालको न्यूरो वार्डमा उपचाररत बालिकालाई परीक्षण गर्दा पोजिटिभ रिर्पोट देखाएको थियो। उनलाई कपिलवस्तुबाट ३० वैशाख साँझ उपचारका लागि त्रिवि शिक्षण अस्पताल ल्याइएको थियो। </p>
<p>कोरोना पुष्‍टि भएपछि न्यूरो सर्जरी वार्ड पूर्ण रूपमा सिल गरिएको अस्पतालले जनाएको छ।</p>
प्रतिक्रिया दिनुहोस्
.jpg)
