अनुमति पाए सिरी ‘ए’ १३ जुनबाट हुने
<p>काठमाडौं। सरकारले अनुमति दिए इटालियन सिरी ‘ए’ १३ जुनबाट पुन सुरू गर्ने तयारी गरेको छ। </p>
<p>हिजो भिडियो कन्फरेन्समार्फत बसेको लिगको साधारणसभाले सरकार र स्वास्थ्य अधिकारीले स्वीकृति दिएको अवस्थामा लिग शुरु गर्ने गरी मिति तय गरेको हो। </p>
<p>इटालीको शीर्ष डिभिजनका क्लबहरूले मेको शुरूबाट नै अभ्यास शुरू गरिसकेका छन्। तर टीममा अभ्यास नगरी खेलाडीहरूले व्यक्तिगत रूपमा मात्र अभ्यास गरेका हुन्। टीमहरूले सोमबारबाट सामूहिक अभ्यास गर्नेछन्। </p>
<p>इटालियन सिरी ‘ए’ ९ मार्चबाट स्थगित भएको थियो। लिगमा १२ चरणका खेल बाँकी छन्। लगातार नवौं पटक लिग उपाधि जित्‍ने लक्ष्यमा रहको युभेन्टस शीर्ष स्थानमा छ भने एक अंकले पछि रहेको लाजियो दोस्रो स्थानमा छ। </p>
<p>इटाली युरोपमा कोभिड-१९ महामारीबाट बढी प्रभावित हुने देशमा पर्छ। गत साता मात्र फियोरेन्टिनाका तीन कर्मचारीमा कोरोना भाइरस परीक्षण पोजिटिभ देखिएको थियो।</p>
प्रतिक्रिया दिनुहोस्
.jpg)
