कपिलवस्तुमा चारजना सुरक्षाकर्मीमा कोरोना संक्रमण
<p>कपिलवस्तु। कपिलवस्तुमा हिजो थपिएका आठजना संक्रमितमा चारजना सुरक्षाकर्मी छन्।</p>
<p>प्रहरी स्रोतका अनुसार नेपाल प्रहरीका दुई, राष्ट्रिय अनुसन्धान र सशस्त्र प्रहरीका एक/एक जनामा कोभिड-१९ देखिएको हो।</p>
<p>तीमध्ये एक प्रहरीका चालक छन्। उनले दैनिक चलाउने गरेको सवारी साधनमा सवार हुने अन्य प्रहरी कर्मचारीमासमेत संक्रमणको आशंका बढेको छ।</p>
<p>भेटिएका आठ संक्रमितमध्ये तीन जना महेन्द्र माविको क्वारेन्टाइनमा बसेका थिए।</p>
<p>तीमध्ये दुई जना नगरपालिकाका कर्मचारी रहेको कृष्णनगर नगरपालिकाका स्वास्थ्य संयोजक अनिलकुमार विश्‍वकर्माले बताए।</p>
<p>एकजना नगरपाालिकाका सफाइ कर्मचारी हुन्। उनी क्वारेन्टाइनमा बस्दै आएका थिए भने अर्का एक जना पालिकाकै कृषि शाखा प्रमुख रहेको नगर प्रमुख रजतप्रताप शाहले बताए।</p>
<p>उनी यस बीचमा राहत वितरण र भारतबाट आएकाको उद्धारमा सक्रिय रहेको र पालिकामा आउने जाने गरेका थिए।</p>
<p>यस्तै दुईमध्ये एकजना केही दिनअघि झापाबाट आएका र अर्का भारतबाट आएर क्वारेन्टाइनमा बसेको उनले बताए। <em>रासस</em></p>
प्रतिक्रिया दिनुहोस्
.jpg)
