चीनले अनुसन्धानको तथ्यांक चोर्न खोज्योः अमेरिका
<p>वासिङ्टन। चीनले कोरोना भाइरसको खोपबारे भइरहेको अनुसन्धानको तथ्यांक चोरी गर्न खोजेको आरोप अमेरिकाले लगाएको छ।</p>
<p>अमेरिकाका डिपार्टमेन्ट अफ होमल्यान्ड सेक्युरिटी र एफबीआईले यस्तो आरोप लगाएका हुन्। </p>
<p>दुवै सुरक्षा एजेन्सीको दाबी छ- “अमेरिकी अनुसन्धान संस्थाहरूमा भइरहेको रिसर्चसँग सम्बन्धित तथ्यांक चीनले साइबर आक्रमणमार्फत चोरी गर्ने प्रयास गरिरहेको छ। यो अमेरिकाका लागि गम्भीर खतरा हो।”</p>
<p>दुवै सुरक्षा एजेन्सीको साइबर एकाइ सीआईएसएले भनेको छ, “अमेरिकाका जुन संस्थानहरूमा कोरोना भाइरससँग जोडिएको रिसर्च भइरहेको छ, तिनमा चीनको नजर छ। हेल्थ केयर, फर्मास्युटिकल्स तथा रिसर्च क्षेत्रमा कोभिड-१९ माथि दिनरात काम भइरहेको छ। ती शोधहरूमाथि चीनको निरन्तर नजर रहेको कुरा सम्बन्धित संस्थाहरूलाई जानकारी हुनुपर्छ।”</p>
<p>यसअघि पनि अमेरिकाले कोरोना भाइरस महामारीको फाइदा उठाउने दाउमा चीन रहेको आरोप लगाएको थियो। कोभिड-१९ माथि भइरहेका रिसर्चमा साइबर जासुसी गरिरहेको आरोप पनि अमेरिकाले चीनमाथि लगाएको थियो। तर, ती कुनै आरोप पुष्‍टि हुने आधार अमेरिकी अधिकारीहरूले दिन सकेका छैनन्।</p>
<p>अमेरिकी राष्‍ट्रपति डोनाल्ड ट्रम्प, विदेशमन्त्री माइक पम्पियोलगायतले चीनले आफ्नो मुलुकमा कोरोना भाइरसको प्रकोप, त्यसका बिरामी र मृतकबारे तथ्यांक लुकाएको आरोप लगाउँदै आएका छन्।</p>
प्रतिक्रिया दिनुहोस्
.jpg)
