कोभिड-१९ को कहर : विश्वभर मृतक बढेको बढ्यै
<p>लन्डन। कोभिड-१९ को कहरले विश्‍वका सबैजसो देश आक्रान्त छन्। विश्‍वभर कोराना भाइरसका संक्रमित र मृतक बढेको बढ्यै छन्।</p>
<p>दक्षिण अमेरिकी मुलुक ब्राजिलमा पछिल्लो २४ घण्टामा सात सय ४९ जनाको मृत्यु भयो। त्यससँगै ब्राजिलमा कोभिड-१९ का कारण मृत्यु हुनेको संख्या १३ हजार एक सय ४९ पुगेको छ।</p>
<p>कोभिड-१९ बाट अति प्रभावित विश्‍वको छैटौं मुलुक बनेको छ, ब्राजिल। पछिल्लो २४ घण्टामा ११ हजार तीन सय ८५ जना ब्राजिलीलाई कोभिड-१९ पोजिटिभ देखियो। त्यससँगै बिरामी संख्या एक लाख ८९ हजार पुगेको छ।</p>
<p>फ्रान्समा पछिल्लो २४ घण्टामा ८३ जनाले ज्यान गुमाए। त्यससँगै फ्रान्समा मृतक संख्या २७ हजार ७४ पुगेको छ।</p>
<p>हिजो स्पेनमा एक सय ८४ जनाले ज्यान गुमाए। त्यससँगै स्पेनमा मृतक संख्या २७ हजार एक सय चार पुगेको छ।</p>
<p>हिजो इटालीमा एक सय ९५ जनाको मृत्यु भयो। इटालीमा हालसम्ममा ३१ हजार एक सय ६ जनाको मृत्यु भइसकेको छ।</p>
<p>बेलायमा मृतक संख्या ३३ हजार एक सय ८६ पुगेको छ। पछिल्लो २४ घण्टामा चार सय ९४ जनाले ज्यान गुमाए।</p>
प्रतिक्रिया दिनुहोस्
.jpg)
