शाैचालय जाने बहानामा क्वारेन्टाइनबाट भागे आठजना भारतीय
<p>बर्दिया। गुलरिया नगरपालिका-१०, प्रयागपुरस्थित नेपाल राष्ट्रिय माध्यमिक विद्यालयको क्वारेन्टाइनमा राखिएका आठजना भारतीय नागरिक शौचालय जाने बहानामा आज भागेका छन्।</p>
<p>वडाध्यक्ष वीरेन्द्र चौधरीका अनुसार उनीहरू बिहान करीब ३ बजे भागेर प्रहरीलाई छली भारत बहराइच जिल्लाको चित्तलहवा पुगेका छन्।</p>
<p>उनीहरू भारतीय डीएमले अनुमति नदिँदा लामो समयदेखि नेपालको क्वारेन्टाइनमा बस्दै आएका थिए। सीमावर्ती क्षेत्रमा रहेको क्वारेन्टाइनबाट भारतको चित्तलहवा करीब डेढ किलाेमिटर दूरीमा छ।</p>
<p>उनीहरूलाई होम क्वारेन्टाइनमा बस्ने गरी भारतीय सुरक्षाकर्मी र चित्तलहवा गाउँका प्रधानलाई जिम्मा लगाइएको बर्दियाका प्रमुख जिल्ला अधिकारी प्रेमलाल लामिछानेले बताए।</p>
<p>बर्दियाका विभिन्न क्वारेन्टाइनमा २३ भारतीय रहेको जनाइएको छ। <em>रासस</em></p>
प्रतिक्रिया दिनुहोस्
.jpg)
