नासीम शाह पाकिस्तानको सेन्ट्रल कन्ट्रयाक्टमा, आमिर र रियाज बाहिर
<p>काठमाडौं। तीव्र गतिका युवा बलर नासीम शाह पाकिस्तानले २०२०/२१ सिजनका लागि गरेको नेशनल कन्ट्रयाक्ट सूचीमा पर्न सफल भएका छन्।</p>
<p>१ जुलाईबाट लागू हुने नेशनल कन्ट्रयाक्टमा पर्ने १८ जना खेलाडीको सूचीमा नासीमसँगै दायाँहाते ब्याट्सम्यान इफ्तिखर अहमद नयाँ अनुहार हुन्।</p>
<p>अर्का तीव्र गतिका बलर शाहीन शाह अफ्रिदीलाई ‘ए’ श्रेणीमा बढुवा गरिएको छ। त्यस्तै अबिद अली, मोहम्मद रिजवान र शान माशुदलाई श्रेणी ‘बी’मा बढुवा गरिएको छ।</p>
<p>‘‘योग्यताका आधारमा तय गरिएको यस सेन्ट्रल कन्ट्रयाक्टको सिद्धान्त र मापदण्ड सरल छ। अघिल्लो १२ महीनामा उनीहरूले गरेको प्रदर्शनलाई हेरिएको छ भने आगामी १२ महीनाका लागि टीमको आवश्यकतालाई हेरिएको छ’’, प्रमुख छनोटकर्ता तथा मुख्य प्रशिक्षक मिसबाह उल हकले भने।</p>
<p>पूर्व कप्तान सरफराज अहमद श्रेणी ‘बी’ मा छन्। पाकिस्तान क्रिकेट बोर्डले सार्वजनिक गरेको सूचीमा अजर अली, बाबर अजम र शाहीन शाह अफ्रिदी श्रेणी ‘ए’ मा छन्।</p>
<p>श्रेणी ‘बी’ मा अबिद अली, असद सफिक, ह्यारिस सोहिल, मोहम्मद अब्बास, मोहम्मद रिजवान, सरफराज अहमद, शाडब खान, शान मसूद र यासिर शाह छन्।</p>
<p>श्रेणी ‘सी’ फखर जमान, इफ्तिखर अहमद, इमद वासिम, इमाम उल हक, नासीम शाह र उस्मान सिनवारी छन्।</p>
<p>उदीयमान खेलाडीको श्रेणीमा हैदर अली, ह्यारिस राउफ र मोहम्मद हसनैन छन्।</p>
<p>हसन अली, मोहम्मद आमिर र वाहब रियाज भने सेन्ट्रल कन्ट्रयाक्टबाट बाहिरिएका छन्।</p>
प्रतिक्रिया दिनुहोस्
.jpg)
