राष्ट्रियसभाको शून्य समयमा सीमा व्यवस्थापनका कुरा
<p>काठमाडौं। राष्‍ट्रियसभाको आजको शून्य समयमा बोल्ने सांसदहरूले नेपाल-भारत सीमा व्यवस्थापनको विषय उठाए।</p>
<p>केही सांसदले सीमामा काँडेतार लगाउन सुझाए भने कसैले अहिले सिमानामा अलपत्र परेका नेपाली नागरिकको व्यवस्थापनका लागि ध्यानाकर्षण गराए।</p>
<p>सांसद इन्दु कडरियाले सीमा क्षेत्रमा काँडेतार लगाउन सरकार तयार भए आफ्नो एक वर्षको सेवा सुविधा दिन तयार रहेको बताइन्।</p>
<p>सांसद अनिता देवकोटाले भारतले नेपाली भूमिमा सडक निर्माण गरेको विषयमा सरकारको स्पष्‍ट धारणा सदनमा आउनुपर्ने बताइन्।</p>
<p>सांसद उदया शर्मा पौडेलले सीमामा काँडेतार लगाउन यही आर्थिक वर्षमा बजेटको व्यवस्था गर्न आग्रह गरिन्।</p>
<p>सांसद कोमल वलीले कोरोना संक्रमणको दर ह्वात्तै बढिरहेकाले सीमा क्षेत्रमा रहेका नागरिकको व्यवस्थापनमा ध्यान दिन आग्रह गरिन्। </p>
<p>सांसद तारादेवी भट्टले सीमा क्षेत्रमा रहेका नागरिक दुवै देशले उचित व्यवस्थापन गर्ने सहमति भए पनि भारततर्फ बिनासूचना दशगजा क्षेत्रमा नेपाली नागरिक अलपत्र रहेको उल्लेख गरिन्।</p>
प्रतिक्रिया दिनुहोस्
.jpg)
