.jpg)
बर्दियाकी संक्रमित बालिका बसेको कैलाली क्षेत्रमा १०१ जनाको कोभिड-१९ परीक्षण गरिँदै
<p>कैलाली। कैलालीबाट गएकी बर्दियाकी बालिकामा कोरोनाको संक्रमण पाईएपछि उनी बास बसेको कैलालीको क्षेत्रमा १०१ जनाको थ्रोट स्वाब नमूना संकलन गरिएको छ।</p>
<p>बर्दियाको राजापुर नगरपालिकामा १२ वर्षीया बालिकामा संक्रमण फेला परेको थियो।</p>
<p>ती बालिकाको सम्पर्कमा रहेका र सम्भावित संक्रमणको जोखिम देखिएका भजनी नगरपालिका-१ भजनी र गोदावरी नगरपालिका-८ मझगाउँका १०१ जनाको कोभिड-१९ परीक्षण गर्न लागिएको हो।</p>
<p>हिजो, २९ वैशाखमा मझगाउँका ९६ र भजनीका ५ जनाको थ्रोट स्वाब नमूना संकलन गरिएको छ। त्यस्तै आज गोदावरी नगरपालिका-८ का ३९ जनाको थ्रोट स्वाबको नमूना संकलन गर्ने तयारी भइरहेको छ।</p>
<p>नमूना संकलनसँगै गोदावरी नगरपालिकाका- ८ मझगाउँका २१ घरलाई रेडजोनमा राखेर त्यहाँ आवात-जावत बन्द गरिएको जिल्ला प्रहरी कार्यालय कैलाली प्रवक्ता प्रहरी नायब उपरीक्षक दक्षकुमार बस्नेतले बताए।</p>
प्रतिक्रिया दिनुहोस्
.jpg)
