ललितपुरको पुल्चोकस्थित आरोग्य प्रतिष्ठान सिल
<p>काठमाडौं। जिल्ला प्रशासन कार्यालय ललितपुरले पुल्चोकमा रहेको आरोग्य प्रतिष्‍ठानमा आज बिहानदेखि सिल गरेको छ। </p>
<p>भक्तपुरमा हिजो कोरोना संक्रमण पुष्‍टि भएकी २५ वर्षीया युवती उक्त प्रतिष्‍ठानमा कार्यरत नर्स रहेको खुलेपछि प्रशासनले प्रतिष्‍ठान रहेको भवन सिल गरेको हो। </p>
<p>निदान अस्पताल रहेकै भवनमा उक्त प्रतिष्‍ठानसमेत सञ्‍चालनमा छ। महानगरीय प्रहरी परिसर ललितपुरका प्रमुख एसएसपी टेकप्रसाद राईले त्यहाँ कार्यरत रहेकै कर्मचारीमा संक्रमण पुष्‍टि भएपछि सिल गरिएको जानकारी दिए। </p>
<p>सुनसरी घर भएकी ती युवती २९ वैशाखमा सवारी पास बनाएर काठमाडौं आएकी थिइन्। उनी भक्तपुरको ठिमीमा बस्दै आएको खुलेको छ। </p>
<p>संक्रमित युवतीलाई टेकुस्थित अस्पतालको आइसोलेसन कक्षमा भर्ना गरिएको छ। उनको स्वास्थ्य अवस्था सामान्य रहेको अस्पतालले जनाएको छ।</p>
<p>संक्रमित युवतीको कन्ट्याक्ट ट्रेसिङको काम शुरु गरिएको छ। यसअघि हिजो कपिलवस्तुको तौलिहवा जिल्ला अस्पतालकी एक नर्समा पनि कोरोना संक्रमण पुष्‍टि भएको थियो।</p>
प्रतिक्रिया दिनुहोस्
.jpg)
