च्यारिटी बक्समा बदलियो संसारकै अग्लो भवन बुर्जखलिफा
<p>दुबई। संसारको सबैभन्दा अग्लो भवन बुर्जखलिफा कोभिड-१९ को महामारीको समयमा च्यारिटी बक्समा बदलिएको छ। </p>
<p>दुबईस्थित आठ सय २८ मिटर अग्लो यो भवनले आर्थिक संकटमा रहेका संयुक्त अरब इमिरेट्स (यूएई)का नागरिकका लागि भोजन जुटाइरहेको छ। </p>
<p>टावरका १२ लाख बाह्य बत्तिहरू मध्ये एउटालाई १० दिराममा बिक्री गरेपछि एकजनालाई भोजन प्राप्त हुन्छ। जब सहायता प्राप्त हुन्छ, निकालिएको बत्ति फेरि जोडिन्छ। </p>
<p>विश्वको सर्वाधिक व्यस्त विमानस्थल रहेको दुबई पर्यटन र व्यापारको हब पनि हो। कोरोना भाइरसको महामारीका कारण दुबईको अर्थतन्त्र अत्यधिक प्रभावित छ। </p>
<p>ठूलो संख्याका युवाले रोजगारी गुमाएका छन् या आम्दानीको बाटो बन्द भएको छ। दशौं हजार प्रवासी मजदुर भीडभाडयुक्त स्थलमा बसिरहेका छन्। त्यसका कारण कोरोना भाइरसको महामारी ह्वात्तै फैलिने जोखिम छ। उनीहरूलाई आ-आफ्ना मुलुकमा फर्काउने पहल भइरहेको छ।</p>
<p>यूएईमा हालसम्म कोभिड-१९ का १९ हजार ६ सय ६१ बिरामी फेला परेका छन्। तीमध्ये दुई सय तीन जनाले ज्यान गुमाएका छन्। यो आँकडा ६ वटा खाडी मुलुकमध्ये साउदी अरेबियापछिको दोस्रो हो।</p>
<p>दी मोहम्मद बिन रसिद अल माक्टम ग्लोबल इनिसिएटिभले डोनेसन बक्सको अभियान चलाएको छ। दैनिक १२ लाख जनालाई भोजन गराउने लक्ष्‍य रहेको संस्थाको भनाइ छ।</p>
<p>यो अभियान उपराष्‍ट्रपति शेख मोहम्मद बिन रसिद अल माक्टमद्वारा संरक्षित छ। मुस्लिम समुदायको रमजान महीनाको उपवासको समयमा कमजोर आयवर्गका करिब १० लाख परिवारलाई भोजन गराउने उद्देश्यले यसको शुरुवात भएको हो।</p>
प्रतिक्रिया दिनुहोस्
.jpg)
