चिनियाँ एअरफोर्सको जहाज काठमाडौंमा
<p>काठमाडौं। चिनियाँ सैन्य जहाज आज बिहान काठमाडौंमा अवतरण गरेको छ।</p>
<p>चीनले अनुदानमा नेपाललाई दिएको स्वास्थ्य सामग्री लिएर उक्त जहाज काठमाडौं आएको हो। </p>
<p>त्रिभुवन अन्तर्राष्‍ट्रिय विमानस्थलकाअनुसार आज बिहान नौ बजे उक्त जहाज अतवरण गरेको हो। उक्त जहाजमा कति परिमाणमा स्वास्थ्य सामग्री ल्याइएको हो भन्‍ने खुलेको छैन।</p>
<p>यसअघि नेपालस्थित चिनियाँ दूतावासले हिमालय एअरलाइन्सको जहाज चार्टर्ड गरेर औषधि ल्याइदिएको थियो। अहिले पनि चिनियाँ एअरफोर्सको जहाजमा औषधिलगायत स्वास्थ्य सामग्री ल्याइदिएको हो। </p>
<p>चीनले दिएका औषधि र स्वास्थ्य सामग्रीमध्ये पहिलो लट २७ वैशाखमा हिमालय एअरलाइन्सको जहाजमा काठमाडौं ल्याइएको थियो। उक्त स्वास्थ्य सामग्री २९ वैशाखमा चिनियाँ राजदूत होउ यान्छीले स्वास्थ्यमन्त्री भानुभक्त ढकाललालाई हस्तान्तरण गरेकी थिइन्।</p>
प्रतिक्रिया दिनुहोस्
.jpg)
