कोभिड-१९ : रुसमा १० दिनदेखि दैनिक १० हजार बिरामी
<p>मस्को। रुसमा १० दिनदेखि लगातार कोभिड-१९ का दैनिक १० हजारभन्दा बढी बिरामी फेला परिरहेका छन्।</p>
<p>रुसका प्रधानमन्त्री मिखायल मिसुस्टिन नै कोरोना भाइरसको संक्रमणमा परेर उपचाररत छन्।</p>
<p>पछिल्लो २४ घण्टामा रुसभर १० हजार आठ सय ९९ बिरामी थपिएका छन्। बीबीसीका अनुसार यससँगै रुसमा दुई लाख ३२ हजार जनामा कोभिड-१९ पोजिटिभ देखिएको छ।</p>
<p>युरोपमा बेलायत र स्पेनलाई पछि पछाडि छाड्दै रुस कोरोना भाइरस संक्रमित अत्यधिक भएको मुलुक बनेको छ। हालसम्म रुसमा दुई हजारभन्दा बढीले ज्यान गुमाइसकेका छन्।</p>
<p>राष्ट्रपति भ्लादिमिर पुटिनका प्रवक्ता दिमित्री पेस्कोभमा पनि कोरोना भाइरस संक्रमण पाइएको छ।</p>
<p>कोभिड-१९ को महामारी फैलिँदै गर्दा रुसले लकडाउन खुकुलो बनाउँदै लगेको छ। कलकारखाना र निर्माण साइटमा काम शुरु भएको छ।</p>
प्रतिक्रिया दिनुहोस्
.jpg)
