चितवनकी ६३ वर्षीया महिला पनि काेराेनामुक्त, भाेलि डिस्चार्ज गर्ने तयारी
<p>चितवन। कोरोना संक्रमण देखिएर भरतपुर अस्पतालमा उपचाररत ६३ वर्षीया महिलाको लगातार दुईपटककाे स्वाब परीक्षण रिपाेर्ट नेगेटिभ आएको छ।</p>
<p>यससँगै उनी कोरोनामुक्त भएकी छन्। यससँगै चितवनमा कोरोनाका बिरामी रहेका छैनन्।</p>
<p>भरतपुर अस्पतालका प्रमुख मेडिकल सुपरिटेन्डेन्ट डा. श्रीराम तिवारीका अनुसार पूर्वी चितवनको राप्ती नगरपालिकाकी ती महिलाको नतिजा नेगेटिभ आएको हो।</p>
<p>यसअघिका पाँचपटकको नतिजामा नियमित पोजिटिभ देखिएकाे थियाे। छैटाैं र सातौं नतिजा नेगेटिभ आएसँगै ती महिलालाई भरतपुर अस्पतालले भाेलि, ३१ वैशाखमा डिस्चार्ज गर्दैछ।</p>
<p>३ चैतमा हङकङ हुँदै काठमाडौं आएर ५ चैतमा राप्ती नगरपालिका–८ स्थित घर आएकी उनमा ३ वैशाखमा र्‍यापिड डाइग्नोस्टिक परीक्षणका क्रममा शंकास्पद देखिएको थियो।</p>
<p>आमामा लक्षण देखिएपछि उनी र उनीसँगै आएका दुई छोराको समेत पीसीआर परीक्षण गर्दा ५ वैशाखमा आमा र छोरामा कोरोना संक्रमण पुष्टि भएको थियो।</p>
<p>उनीसँगै पोजिटिभ देखिएका उनका २७ वर्षीय छोरालाई भने अस्पतालले केही समयअघि नै नेगेटिभ देखिएपछि डिस्चार्ज गरिसकेको छ।</p>
<p>अस्पतालका सूचना अधिकारी लीलाधर पौडेलले लगातार दुईपटकसम्म नेगेटिभ आए पनि घरमा केही दिन क्वारेन्टाइनमा बस्न सुझाव दिएर पठाइने जानकारी दिए।</p>
प्रतिक्रिया दिनुहोस्
.jpg)
