ताेकिएभन्दा दोब्बर बढी शुल्क लिएकाे पाइएपछि मनमोहन अस्पताललाई अढाई लाख जरिवाना
<p>काठमाडौं। ताेकिएभन्दा दाेब्बर सेवा शुल्क लिएको पाइएपछि ठमेलस्थित मनमोहन मेमोरियल अस्पताल कारबाहीमा परेको छ।</p>
<p>वाणिज्य, आपूर्ति तथा उपभोक्ता संरक्षण विभागले अस्पताललाई आज दुई लाख ५० हजार रूपैयाँ जरिवाना गरेकाे हाे।</p>
<p>अनुगमनको क्रममा सेवा दिएबापत् ९०० रूपैयाँ लिनुपर्ने यूसजी सेवामा एक हजार ७०० रूपैयाँ लिएको पाइएको थियो।</p>
<p>झण्डै दोब्बर बढी शुल्क लिएर उपभोक्ता ठगेको पाइएपछि कारबाही गरिएको ट्वीटरमार्फत् विभागले जानकारी दिएको छ।</p>
<p>अस्पताललाई उपभोक्ता संरक्षण ऐन २०७५को १६ (२) (क) बमाेजिम अनुचित व्यापारिक क्रियाकलाप गरेकाेले ३८(ङ) काे कसूरमा ३९(१)(ख) बमोजिम जरिवाना गरिएको विभागले जनाएकाे छ।</p>
प्रतिक्रिया दिनुहोस्
.jpg)
