काठमाडौंबाट प्यूठान गएका ११ जनामा आरडीटी पोजिटिभ
<p>काठमाडौं। १६ वैशाखमा काठमाडौंबाट प्युठान गएका ११ जनामा आरडीटी परीक्षण गर्दा कोभिड-१९ पोजिटिभ देखिएकाे छ। त्यसमध्ये एकजना भने लमजुङबाट प्यूठान गएका हुन्।</p>
<p>११ जनामध्ये आठजना पुरूष र तीनजना महिला रहेको प्यूठान नगरपालिकाका स्वास्थ्य शाखा अधिकृत दधिराम सुवेदीले बताए।</p>
<p>उनीहरू काठमाडौंबाट गएपछि क्वारेन्टाइनमा बसेका थिए। उनीहरूमा आज आरडीटी परीक्षण गर्दा कोरोन पोजिटीभ देखिएको सुवेदीले बताए।</p>
<p>लमजुङबाट गएका एकजना पुरूष पनि सोही बसमा प्युठान पुगेका थिए। उनीहरू प्युठान नगरपालिका-९, मरन्ठानाका स्थानीय हुन्।</p>
<p>उनीहरूको स्वाब संकलन गरेर पीसीआर परीक्षणको लागि भैरहवा पठाउने तयारी गरिएको सुवेदीले जानकारी दिए।</p>
<p>काठमाडौंको कुन ठाउँबाट गएका हुन् भन्ने विषयमा जानकारी बटुलिरहेको उनकाे भनाइ छ।</p>
प्रतिक्रिया दिनुहोस्
.jpg)
