राहतकाे चामल कुहिएकाे भेटिएपछि धनगढी उपमहानगरद्वारा राहत वितरण स्थगित
<p>कैलाली। धनगढी उपमहानगरपालिकाले आफ्ना १९ वटै वडामा राहत वितरण कार्य स्थगित गरेको छ।</p>
<p>उपमहानगरपालिकाले आज एक विज्ञप्ति निकाल्दै राहत वितरण तत्कालका लागि स्थगित गरिएको जानकारी दिएको हो।</p>
<p>धनगढी उपमहानगरपालिकाले वितरण गरेको राहतको चामल कुहिएको फेला परेपछि स्थानीयले विरोध गर्दै चामल फिर्ता गरेका थिए।</p>
<p>वडा नम्बर ४ र २ मा उपमहानगरपालिकाले खरिद गरी वितरण गरेको चामल कुहिएको फेला परेको भन्दै स्थानीयले फिर्ता गरेका हुन्।</p>
<p>खरिद प्रक्रियाको विषयमा छानबिन भइरहेको र तत्कालका लागि वितरण कार्य स्थगित गरिएको उपमहानगरपालिकाले जारी गरेको विज्ञप्तिमा उल्लेख छ।</p>
प्रतिक्रिया दिनुहोस्
.jpg)
