पछिल्लो २४ घण्टामा २ हजार २३६ नमूना परीक्षण, २२८ जना आइसोलेसनमा
<p style="text-align:justify">काठमाडौं। स्वास्थ्य तथा जनसंख्या मन्त्रालयले पछिल्लो २४ घण्टामा देशैभर २ हजार २३६ नमूना परीक्षण गरिएको जनाएको छ।</p>
<p style="text-align:justify">कोभिड-१९ को संक्रमण बढ्दै गएपछि हाल दैनिक रूपमा परीक्षणको दायरा तीव्र बनाइएको मन्त्रालयले जनाएको छ।</p>
<p style="text-align:justify">आजसम्म देशैभर १८ हजार ९६४ नमूना पीसीआर विधिबाट परीक्षण गरिएको छ। आरडीटी किट विधिबाट ५९ हजार ६२७ नमूना परीक्षण गरिएका छन्।</p>
<p style="text-align:justify">देशैभर १२ हजार ७८५ क्वारेन्टाइमा रहेका छन्। र, आइसोलेसनमा २२८ जना रहेका स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बताए। </p>
<p style="text-align:justify">कोभिडको संक्रमण पुष्टि भइसकेका र सम्भावित व्यक्ति आइसोलेसनमा रहेका छन्।</p>
<p style="text-align:justify">मोबाइल एप र वेवपेजमार्फत् स्वास्थ्य सम्बन्धी फारम भरेका ३४५ जनालाई रेडजोनमा राखिएको छ।</p>
<p style="text-align:justify">आज एकैदिन नेपालमा ५७ जनामा संक्रमण देखिएसँगै नेपालमा संक्रमितको संख्या १९१ पुगेको स्वास्थ्य मन्त्रालयले जनाएको छ।</p>
.jpg)
