भारतीय क्वारेन्टाइनमा रहेका नेपालीलाई रातारात सीमामा छाडिँदै
<p>कैलाली। भारतीय क्वारेन्टाइनमा रहेका नेपालीहरूलाई रातारात सीमा क्षेत्रमा ल्याएर छाड्ने गरिएकाे छ। </p>
<p>भारतीय पक्षले सीमामा छाडेका नेपालीहरू भने रातारात नै नेपाल प्रवेश गर्ने गरेका छन्।</p>
<p>नेपाल प्रवेश गरेका उनीहरूलाई नेपालको क्वारेन्टाइनमा राखिएको छ।</p>
<p>भारतीय पक्षले ४० दिनपछि २८ र २९ वैशाख राति सीमावर्ती भारतीय बजार वनवासाको क्वारेन्टाइनमा रहेका नेपालीलाई टनकपुर नाका भएर ब्रम्हदेव ल्याएर छाडेकाे थियाे।</p>
<p>२८ वैशाखमा ७५ र २९ वैशाखमा १६७ जनालाई ब्रम्हदेव ल्याएर छाडिएकाे थियाे।</p>
<p>उनीहरूलाई कञ्चनपुर भीमदत्त नगरपालिका-४, महेन्द्रनगरस्थित बैजनाथ स्कुलको क्वारेन्टाइनमा राखिएको छ।</p>
<p>कञ्चनपुरका प्रमुख जिल्ला अधिकारी नुरहरि खतिवडाले भारतीय पक्षले एकलौटीरूपमा समन्वय नगरी सीमामा ल्याएर छाड्ने गरेको बताए। उनले स्वदेश फर्किएका नेपालीहरूलाई क्वारेन्टाइनमा राखेर स्वास्थ्य परीक्षण गरिने बताएका छन्।</p>
<p>उनका अनुसार स्वास्थ्य परीक्षणपछि मात्रै उनीहरूलाई स्थानीय तहको समन्वयमा जिम्मा लगाइनेछ।</p>
प्रतिक्रिया दिनुहोस्
.jpg)
