आफ्ना नागरिक लैजान पाकिस्तान इन्टरनेशनल एअरलाइन्सको विमान काठमाडौंमा
<p>काठमाडौं। अन्तर्राष्‍ट्रिय उडान बन्द भएपछि स्वदेश फर्कन नपाएका पाकिस्तानी नागरिक लिन पाकिस्तान इन्टरनेशनल एअरलाइन्सको विमान काठमाडौं आएको छ।</p>
<p>आज बिहान साढे नौ बजे उक्त विमान त्रिभुवन अन्तर्राष्‍ट्रिय विमानस्थलमा अवतरण गरेको थियो ।</p>
<p>विमानस्थलको टर्मिनल ड्युटी अफिसका अनुसार नेपालमा रहेका ३० जना पाकिस्तानी नागरिक उक्त विमानमा आजै स्वदेश फर्कंदै छन्। साढे १० बजे उक्त विमान पाकिस्तान फर्किने उडान तालिका छ।</p>
<p>काठमाडौंस्थित पाकिस्तानी दूतावासले आफ्ना नागरिक स्वदेश फर्काउन विमान व्यवस्थापन गरेको हो।</p>
<p>नेपालमा अन्तर्राष्‍ट्रिय उडान बन्द भएपछि विभिन्‍न देशले विमान पठाएर आफ्ना नागरिक फिर्ता लगेका छन्। नेपालले ९ चैतदेखि बन्द भएको अन्तर्राष्‍ट्रिय उडानको अवधि बढाएर १८ जेठको मध्यरातिसम्म पुर्‍याएको छ।</p>
प्रतिक्रिया दिनुहोस्
.jpg)
