जुम्लामा रेडियोबाट विद्यार्थी पढाउन शुरू
<p>खलङ्गा। जुम्लाको चन्दननाथ नगरपालिकाले कक्षा ४ देखि १० सम्मका विद्यार्थीलाई सामुदायिक रेडियोबाट पढाउन शुरू गरेको छ।</p>
<p>लकडाउनका कारण विद्यार्थीको पढाइ प्रभावित भएकाले स्थानीय रेडियोबाट पढाउन थालिएको नगरपालिकाका उपप्रमुख अप्सरादेवी न्यौपाने बताइन्।</p>
<p>सामुदायिक रेडियो कर्णाली एफएम, रेडियो नारी आवाज र रेडियो खुला आकाशबाट प्रत्येक दिन अनिवार्य अङ्ग्रेजी, गणित, विज्ञान, नेपाली र सामाजिक विषयको र कक्षा सञ्चालनमा आएको नगरपालिका शिक्षा तथा खेलकूद शाखाका प्रमुख खडानन्द चौलागाईँले जानकारी दिए।</p>
<p>जिल्लाका आठ स्थानीय तहमध्ये चन्दननाथमा मात्र इन्टरनेटको पहुँच रहेकाले जुम्लामा अनलाइन प्रविधिबाट पठनपाठन असम्भव देखिएको तिला गाउँपालिका अध्यक्ष रतननाथ योगीले बताए।</p>
<p>जुम्लामा १७० सामुदायिक विद्यालय छन्। <em>रासस</em></p>
प्रतिक्रिया दिनुहोस्
.jpg)
