आज विश्व नर्स दिवस
<p>काठमाडौं। आज १२ मे अर्थात विश्‍व नर्स दिवस। आफू तथा परिवार सदस्यभन्दा माथि उठेर सधैँ बिरामीको सेवामा समर्पित हुने नर्सहरूको सम्मान गर्दै यो दिवस मनाइन्छ।</p>
<p>अन्तराष्ट्रिय नर्सिङ काउन्सिल (आईसीएन) को आव्हानमा हरेक वर्षको यसै दिन विश्वभर नर्स दिवस मनाउने गरिएको हो।</p>
<p>विश्‍वव्यापी महामारी बनेको कोभिड-१९ को उपचारमा जोखिम मोलेर फ्रन्टलाइनमा खटिइरहेका नर्सहरूका कारण भिन्‍न परिस्थितिबीच यस वर्षको नर्स दिवसको महत्व अझ बढी छ।</p>
<p>विश्‍वका विभिन्न ठाउँमा नर्स तथा चिकित्सकको सम्मान र मनोबल उच्‍च बनाउन सरकार एवं नागरिक स्तरबाट विभिन्‍न गतिविधि पनि भइरहेका छन्।</p>
<p>कोरोना भाइरस संक्रमणको जोखिमले यस वर्ष नर्स दिवसमा औपचारिक कार्यक्रम भने भएनन्।</p>
<p>आधुनिक नर्सिङ पेशाको शुरुवात गर्ने फ्लोरेन्स नाईटिङ्गेलको जन्मदिनको अवसर पारेर विश्व नर्स दिवस मनाउने गरिन्छ।</p>
<p>उनले सन् १८६० मा लण्डनको सेन्ट थोमस अस्पतालसँगै नर्सिंङ कलेज पनि संचालन गरेकी थिइन्।</p>
<p>‘लेडि विथ दी ल्याम्प’ उपनामले परिचित फ्लोरेन्सको जन्म ब्रिटेनमा सन् १८२० मा भएको थियो।</p>
प्रतिक्रिया दिनुहोस्
.jpg)
