ह्वाइट हाउसमा बल्ल पुग्यो मास्क !
<p>वासिङ्टन। अमेरिकी राष्‍ट्रपति डोनाल्ड ट्रम्प र उपराष्‍ट्रपति माइक पेन्सको भित्री सर्कलमै कोरोना भाइरसको संक्रमण देखिन थालेपछि बल्ल ह्वाइट हाउसमा मास्क भित्रिएको छ।</p>
<p>राष्‍ट्रपति ट्रम्पका सहयोगीहरूका लागि मास्क पहिरिन अनिवार्य गरिएको छ। तर, अझै पनि राष्‍ट्रपति ट्रम्पका लागि मास्क अनिवार्य गरिएको छैन। अहिलेसम्म उनी मास्क पहिरिएर सार्वजनिक समारोहमा देखिएका छैनन्।</p>
<p>कोभिड-१९ का कारण ८० हजार ८७ जना अमेरिकीले ज्यान गुमाएपछि मात्र ह्वाइट हाउसमा मास्क पहिरिने चेतना जागृत भएको हो।</p>
<p>अहिलेसम्म चीनमाथि भाइरस फैलाएको आरोप लगाउँदै आएका ट्रम्पले पछिल्लो प्रेस ब्रिफिङमा भने कोरानालाई नै ‘गुप्त दुश्मन’को संज्ञा दिए। त्यसविरुद्धको युद्धमा दैनिक डेढ लाखदेखि तीन लाख जनाको परीक्षण भइरहेको बताए।</p>
<p>उनका अनुसार सोमबारसम्ममा अमेरिकामा ९० लाखभन्दा बढी मानिसको परीक्षण गरिसकिएको छ, जसमा १३ लाख ३७ हजार बिरामी पनि सामेल छन्।</p>
<p>कोभिड-१९ ले थिलथिलो बनाएको अर्थतन्त्र अर्को वर्ष राम्रो अवस्थामा पुग्ने ट्रम्पले दाबी गरे। बजारमा अत्यधिक माग रहँदा अर्थव्यवस्थामा हरियाली छाउने उनको भनाइ थियो।</p>
<p>अमेरिकामा कोराना भाइरसको संक्रमण फैलिन नदिन लागू गरिएको लकडाउनका कारण हालसम्म तीन करोड ३० लाख मानिस बेरोजगार भइसकेका छन्।</p>
प्रतिक्रिया दिनुहोस्
.jpg)
