परशुरामका मेयरले गरे ९ नेपालीकाे भारतबाट उद्धार
<p>डडेल्धुरा। लकडाउनका कारण भारतको वनवासामा अलपत्र परेका परशुराम नगरपालिका र आलिताल गाउँपालिकाका ९ जना नेपालीको उद्धार गरिएकाे छ।</p>
<p>परशुराम नगरपालिकाका नगर प्रमुख भीमबहादुर साउँदले उनीहरूलाई नगरपालिकाकाे एम्बुलेन्समार्फत् जाेगबुढा ल्याइँदै गरेकाे बताए।</p>
<p>ती नेपालीहरू वनवासास्थित सारदा इन्टरमिडियट कलेजको क्वारेन्टाइनमा विगत ४३ दिनदेखि कष्टपूर्णरूपमा बस्दै आएका थिए।</p>
<p>उद्धार गरिनेमा परशुराम नगरपालिकाका पाँच र आलिताल गाउँपालिका चारजना छन्। उनका अनुसार केही दिन क्वारेन्टाइनमा राखेर स्वास्थ्य जाँचपछि मात्रै घर पठाइनेछ।</p>
<p>नगर प्रमुख साउँदले अबको एक घण्टामा उनीहरू जोगबुढा आइपुग्ने भन्दै सबैलाई खानाको व्यवस्था गरिएकाे बताए।</p>
<p>परशुरामका पाँचजनालाई परशुरामस्थित त्रिवेणी बहुमुखी क्याम्पसकाे क्वारेन्टाइन र आलिताल गाउँपालिकाका चारजनालाई आलिताल गाउँपालिकाले स्थापना गरेको क्वारेन्टाइनमा राखिने साउँदकाे भनाइ छ।</p>
प्रतिक्रिया दिनुहोस्
.jpg)
