.jpg)
किट अभाव हुँदा बर्दियामा काेभिड-१९ परीक्षण प्रभावित
<p>बर्दिया। बर्दियामा किटको अभाव हुँदा काेभिड-१९ परीक्षण प्रभावित भएको छ।</p>
<p>पर्याप्त किट नहुँदा भारत तथा विभिन्न जिल्लाबाट आएर क्वारेन्टाइनमा बसेकाहरूको परीक्षण प्रभावित भएको हो।</p>
<p>र्‍यापिड डायग्नोष्टिक टेष्ट (आरडीटी) तथा भाइरस ट्रान्सपोर्ट मिडियम (भीटीएम) किटसँगै स्वास्थ्य सामग्रीसमेत अभाव हुँदा समस्या भएको स्वास्थ्य कार्यालयका सूचना अधिकारी कृष्णगोपाल चौधरीले बताए। </p>
<p>स्वास्थ्यकर्मीले लगाउने पर्सनल प्रोटेक्टिभ इक्विपमेन्ट (पीपीई ), थर्मल गन, सर्जिकल मास्क, पञ्जा र स्यानिटाइजरसमेत सकिएको स्वास्थ्य कार्यालयले जनाएको छ।</p>
<p>सूचना अधिकारी चौधरीले आरडीटी विधिबाट दुई हजार ८६६ र पीसिआर विधिबाट ४१७ जनाकाे परीक्षण गरिएकाे छ। </p>
<p>साेमध्ये २३५ जनाको रिपोर्ट आउन बाँकी रहेको उनले जानकारी दिए।</p>
<p>मधुवन नगरपालिकाको क्वारेन्टाइनमा ३२८, गुलरिया नगरपालिकामा २११, बाँसगढीमा १९, बारबर्दिया सामुदायिक क्वारेन्टाइनमा २१६, ठाकुरबाबामा १६, राजापुरमा ८९, गेरुवा गाउँपालिकामा ५८ र बढैयातालमा सातजनालाई राखिएको छ।</p>
<p>जिल्लाका क्वारेन्टाइनमा ९४२ जना छन् भने बर्दिया अस्पतालको आइसोलेशनमा दुई बिरामी भर्ना भएका छन्। प्रदेश सरकारसँग किट माग गरिए पनि अहिलेसम्म नआएको सूचना अधिकारी चौधरीले बताए। <em>रासस</em></p>
प्रतिक्रिया दिनुहोस्
.jpg)
