कोरोना संक्रमणपछि रोकिएको सेती अस्पतालको बहिरंग सेवा शुरू हुँदै
<p>कैलाली। सेती प्रादेशिक अस्पतालमा कोरोना भाइरसको संक्रमणपछि बन्द रहेका बहिरंग (ओपीडी) सेवा सञ्चालनमा आउने भएको छ।</p>
<p>अस्पतालले आज सूचना जारी गर्दै भाेलि, ३० वैशाखदेखि बहिरंगलगायतका नियमित स्वास्थ्य सेवाहरू सञ्चालन हुने जनाएको छ।</p>
<p>यसअघि कोरोना भाइरसको महामारीलाई लिएर ११ चैतमा सेती प्रादेशिक अस्पताललाई सरकारले कोरोना बिशेष अस्पताल घोषणा गरेपछि ज्वरो र आकस्मिक बाहेकका सबै सेवा बन्द गरेको थियो।</p>
<p>अस्पतालका सूचना अधिकारी दिलिप श्रेष्ठले भोलिदेखि अस्पतालले सम्पूर्ण सेवा शुरू गर्ने बताए।</p>
<p>सुदूरपश्चिमकै रेफरल अस्पतालका रूपमा रहेको सेती प्रादेशिक अस्पतालमा कोरोना पोजिटिभ भएर भर्ना भएका पाँचैजना बिरामी निको भएर घर फर्किसकेका छन्। </p>
प्रतिक्रिया दिनुहोस्
.jpg)
