लिबियाको राजधानी ट्रिपोली बम वर्षाको चपेटामा
<p>ट्रिपोली। लिबियाको राजधानी शहर ट्रिपोलीमा हिजो व्यापक बम वर्षा भएको छ। </p>
<p>समाचार एजेन्सी रोयटर्सका अनुसार पूर्वी क्षेत्रमा आधारित खलिफा हफ्तार नामक समूहले हिजो रातभर राजधानीमाथि धावा बोलेको हो।</p>
<p>विद्रोही समूहको आक्रमणका कारण ट्रिपोलीमा पानीको हाहाकार मच्चिएको छ। सशस्त्र जत्थाले दक्षिणी क्षेत्रबाट पानीको आपूर्ति बन्द गरिदिएकाले त्यस्तो अवस्था आएको अधिकारीहरूले जनाएका छन्।</p>
<p>उक्त विद्रोही समूहले १३ महीनायता राजधानी ट्रिपोलीमाथि कब्जा जमाउने प्रयास गरिरहेको छ। टर्कीको मद्दतबाट अन्तर्राष्ट्रिय मान्यताप्राप्त गभर्मेन्ट अफ नेसनल एकर्ड (जीएनए)ले राजधानीलाई नियन्त्रणमा लिन सफलता पाइरहेको छ।</p>
<p>गत महीना जीएनएको सैन्य दस्ताले खलिफा हफ्तार समूहको कब्जामा रहेको उत्तरपश्‍चिमी शहर नियन्त्रणमा लिएको थियो।</p>
प्रतिक्रिया दिनुहोस्
.jpg)
