कोभिड-१९ : संसारभर ४० लाख नाघे बिरामी, २ लाख ७७ हजारको मृत्यु
<p>लन्डन। कोभिड-१९ का बिरामी संसारभर ४० लाख नाघेका छन्। तीमध्ये दुई लाख ७७ हजार ९२ जनाले ज्यान गुमाएका छन्।</p>
<p>यही अवस्थाबीच बेलायत र जर्मनीले आर्थिक गतिविधि अगाडि बढाउन लकडाउन केही खुकुलो बनाएका छन्।</p>
<p>अत्यधिक प्रभावित स्पेनमा आइतबार कोभिड-१९ बाट मृतकको संख्यामा कमी आएको छ। </p>
<p>रुसमा पछिल्लो २४ घण्टामा ११ हजार १२ जनामा कोरोना भाइरसको संक्रमण देखिएको छ। रुसमा हालसम्म दुई लाख नौ हजार ६ सय ८८ संक्रमित फेला परिसकेका छन्।</p>
<p>दक्षिण कोरियामा नयाँ संक्रमणको लहर चलेपछि कोभिड-१९ महामारीको दोस्रो तरंगको चेतावनी दिइएको छ। र, लकडाउन कडा बनाइएको छ।</p>
<p>चीनमा पनि उत्तरपूर्वी क्षेत्रमा महामारीको दोस्रो लहरको चेतावनी दिइएको छ। र, जिलिन प्रान्तलाई उच्च जोखिमयुक्त श्रेणीमा राखिएको छ।</p>
<p>जापानका अस्पतालमा ९० प्रतिशत बेड भरिएका छन्। अस्ट्रेलियामा भने रेस्टुराँ, खेल मैदान र आउटडोर पुल खोल्न अनुमति दिइएको छ।</p>
<p>अमेरिकाभरमा हालसम्म ८० हजार जनाले ज्यान गुमाएका छन्। क्यानडामा मृतक संख्या चार हजार सात सय २८ पुगेको छ।</p>
प्रतिक्रिया दिनुहोस्
.jpg)
