कोभिड-१९ : बेलायतमा ‘स्टे होम’को साटो ‘स्टे अलर्ट’
<p>लन्डन। बेलायतका प्रधानमन्त्री बोरिस जोनसनले स्थानीय समयअनुसार आइतबार कोभिड-१९ विरुद्धको लडाईंलाई लिएर केही महत्वपूर्ण घोषणा गरे। त्यसमध्ये एउटा छ, सचेतनाका लागि हालसम्म भन्ने गरिएको ‘स्टे होम’को नारा परिवर्तन।</p>
<p>उनले ‘स्टे होम, प्रोटेक्ट द एनएचएस, सेभ लाइभ्स’ नाराको विकल्प तयार पारेका छन्- ‘स्टे अलर्ट, कन्ट्रोल द भाइरस, सेभ लाइभ्स’। अर्थात्, अब कोरोना भाइरससँगै बाँच्न सिक्नुपर्ने उनको आशय देखिन्छ।</p>
<p>कोभिड-१९ बाट अति प्रभावित उत्तरी आयरल्यान्ड र वेल्समा भने पुरानै नारा कायम रहने जोनसनको भनाइ छ।</p>
<p>“नयाँ कोभिड अलर्ट प्रणालीले इंग्ल्यान्डमा भाइरसको ट्रयाक गर्नेछ,” उनले भने, “तर, लकडाउन समाप्त गर्ने समय आएको छैन।”</p>
<p>घरबाट निस्केर सक्रिय रूपमा काममा जान प्रोत्साहन गरिने उनले बताए। तर, सार्वजनिक यातायातको प्रयोगलाई प्रोत्साहित नगरिने स्पष्ट पारे।</p>
<p>आगामी बुधबारदेखि देशभरका मानिस व्यायामका लागि जान सक्ने, पार्कमा बस्न सक्ने तर भौतिक दूरीको अनिवार्य पालना गर्नुपर्ने जोनसनले बताएका छन्। आगामी जुन महीनादेखि विद्यालयहरू खुलाइने उनले बताए।</p>
<p>प्रधानमन्त्री जोनसनले लकडाउनलाई केही खुकुलो बनाएका छन्। तर, कोरोना भाइरसको संक्रमणमा उच्च सतर्कता अपनाइने पनि बताएका छन्।</p>
प्रतिक्रिया दिनुहोस्
.jpg)
