बजेटका सिद्धान्त र प्राथमिकताः खेलकुदमा लगानी बढाइने
<p>काठामाडौं। अर्थमन्त्री डा. युवराज खतिवडाले खेलकुदमा लगानी बढाउनुका साथै पूर्वाधार विकासलाई प्राथमिकतामा राख्ने बताएका छन्। </p>
<p>आज संघीय संसद्को प्रतिनिधि सभा बैठकमा सरकारको आगामी आर्थिक वर्ष २०७७/७८ को बजेटका सिद्धान्त र प्राथमिकता प्रस्तुत गर्दै अर्थमन्त्री खतिवडाले खेलाडीलाई प्रोत्साहन गर्नुका साथै निर्माणाधीन राष्ट्रिय र क्षेत्रीयस्तरका ठूला पूर्वाधार सम्पन्न गर्न सरकारले प्राथमिकता दिने बताएका हुन्।</p>
<p>‘‘युवालाई विकास र आर्थिक सामाजिक रूपान्तरणको संवाहकको रूपमा परिचालन गरी राष्ट्र निर्माणको नेतृत्व गर्न सक्षम तुल्याइनेछ’’, सिद्धान्त र प्राथमिकतामा भनिएको छ, ‘‘खेलकुद पूर्वाधार निर्माण र खेलाडीहरूलाई प्रोत्साहित गर्दै यस क्षेत्रको समग्र विकास गरिनेछ। खेलकुदका निर्माणाधीन राष्ट्रिय र क्षेत्रीयस्तरका ठूला पूर्वाधार सम्पन्न गर्न प्राथमिकता दिइनेछ।’’</p>
<p>गत वर्ष १३औं दक्षिण एशियाली खेलकुद (साग) आयोजनाका लागि सरकारले ठूलो रकम विनियजन गरेको थियो। तर, यसपटक ठूलो प्रतियोगिता आयोजना हुने छैनन्। </p>
<p>अर्थमन्त्री खतिवडाले संसद्को आजको बैठकमा आगामी बजेटको सिद्धान्त र प्राथमिकता छलफलका लागि पेश गरेका हुन्। सरकारले १५ जेठमा आगामी आर्थिक वर्षको बजेट संसद्मा प्रस्तुत गर्नेछ। </p>
<p>अर्थमन्त्रीले आगामी बजेटमा, स्वास्थ्य पूर्वाधार, रोजगारी, कृषि, उद्योग लगायतका क्षेत्रलाई बजेटको कार्यक्रममा विशेष ध्यान दिने संसद्मा प्रतिबद्धता व्यक्त गरेका छन्। </p>
प्रतिक्रिया दिनुहोस्
.jpg)
