निजी विद्यालय सञ्चालकको मृत्युबारे छानबिन माग गर्दै लकडाउनमै प्रदर्शन
<p>कैलाली। निजी विद्यालय सञ्चालक कृष्णप्रसाद भुसालको मृत्युको घटना छानबिन गरी दोषीलाई कारबाहीको माग गर्दै कैलालीमा प्रदर्शन गरिएको छ। </p>
<p>बिहानी क्षितिज बोर्डिङ स्कुलका सञ्चालक भुसालको शंकास्पद मृत्यु भएको १८ दिन पुगिसक्दा समेत प्रहरीले अनुसन्धानमा चासो नदेखाएको भन्दै स्थानीयवासिन्दाहरूले लकडाउनकाबिच आज पूर्व-पश्चिम राजमार्गको गौरीगंगा नगरपालिका- ९ मसुरियामा बिरोध प्रदर्शन गरिएको हो।</p>
<p>मसुरिया बजारमा भेला भएका करीब २०० भन्दा बढी स्थानीयवासीले पूर्व-पश्चिम राजमार्गको सो खण्ड अवरुद्ध पार्दै नाराबाजी र प्रदर्शन गरेका छन्।</p>
<p style="text-align:center"><img alt="" height="720" src="https://www.dekhapadhi.com/storage/photos/shares/Social/Kailali-Pradarshan-1.jpg" width="960" /></p>
<p>मृतक भुसालका आफन्त र स्थानीयबवासिन्दाले उनको हत्या नै भएको भन्दै दोषी पत्ता लगाई कारबाही गर्न माग गरेका छन्।</p>
<p>प्रहरीले घटनाको अनुसन्धानका लागि ५ जनालाई नियन्त्रणमा लिएको जिल्ला प्रहरी कार्यालय कैलालीका प्रवक्ता, प्रहरी नायब उपरीक्षक दक्षकुमार बस्नेतले बताए।</p>
<p>निजी विद्यालयहरूको संगठन एनप्याब्सनका पूर्वकेन्द्रीय उपाध्यक्ष समेत रहेका कृष्णप्रसाद भुसालको शव ११ वैशाख राति घोडाघोडी नगरपालिका-१० पहलवानपुर बजारबाट करीब एक किलोमिटर पश्चिममा सडक छेउमा फेला परेको थियो।</p>
प्रतिक्रिया दिनुहोस्
.jpg)
