किशोरीलाई आत्महत्या गर्न बाध्य पारेको आरोपमा कैलालीमा एक युवक पक्राउ
<p>कैलाली। अर्काको फेसबुक आईडी प्रयोग गरेर आफन्त तथा साथीहरूलाई अश्लिल भिडिओ तथा फोटोहरु पठाई एक किशोरीलाई आत्महत्या गर्न बाध्य पारेको आरोपमा प्रहरीले एकजना युवकलाई पक्राउ गरेको छ।</p>
<p>आत्महत्या गर्न बाध्य पार्ने बेलौरी नगरपालिका-७ कंचनपुरका २३ वर्षीय सन्तराम चौधरीलाई प्रहरीले पक्राउ गरेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक दक्षकुमार बस्‍नेतले बताए।</p>
<p>चौधरीमाथि आत्महत्या दुरुत्साहन तथा साइबर क्राइम अन्तर्गत कारवाहीको लागि अनुसन्धान थालिएको छ।</p>
<p>कैलालीको गौरीगंगा नगरपालिका-९ शंकरपुर घर भइ धनगढी आफन्तको बस्दै आएकी १९ वर्षिया क (नाम परिवर्तन) ले हिजो २७ वैशाखमा आत्महत्या गरेकी थिइन्।</p>
<p>ती किशोरीको फेसबुक आईडीबाट आफन्त र साथीभाईलाई अश्लील भिडिओ, तस्वीरहरू पठाएको चौधरीले प्रयोग गर्ने मोबाइलमा फेला पारेको डीएसपी बस्नेतले जानकारी दिए।</p>
प्रतिक्रिया दिनुहोस्
.jpg)
