सिक्किमसँग जोडिएको सीमामा भारत र चीनका सैनिकबीच झडप, दुई देशका ११ सैनिक घाइते
<p>काठमाडौं। दुवै देशका करीब १५० जना सैनिकहरू २७ वैशाखमा सिक्किमको सीमामा भएको झडपमा सहभागि थिए। जसमध्ये चार भारतीय सैनिक र सात जना चिनियाँ सैनिक घाइते भएको भारतीय मिडियाहरूले रिपोर्ट गरेका छन्।</p>
<p>भारतीय सेनाले घटनाको पुष्टि गर्दै भनेको छ- ‘दुवै पक्ष आक्रमक भएका थिए। केही सैनिक सामान्य घाइते भएका छन्। स्थानीय तहमै छलफलद्वारा यो विवादको अन्त्य गरिनेछ।’</p>
<p>सिक्किमको नाकु ला क्षेत्रमा झडप भएको हो। उक्त क्षेत्र पाँच हजार मिटर उचाईमा पर्छ। भारतीय र चिनियाँ सैनिक नियमित गस्तीमा रहेको बेला झडप भएको हो। </p>
<p>सन् २०१९ को सेप्टेम्बरमा पूर्वी लद्दाखमा पनि दुई देशका सैनिकबीच झडप भएको थियो। यद्यपी पछि वार्ताद्वारा समस्या समाधान गरिएको थियो।</p>
<p>दुवै देशबीच लामो टकराव भने सन् २०१७ मा दोक्लममा भएको थियो। चीनले भुटानसँग जोडिएको सीमामा सडक बनाएपछि भारतीय सेनाले त्यसलाई रोक्न खोजेको थियो। उक्त क्षेत्रमा ७३ दिनसम्म तनाव भएको थियो। </p>
प्रतिक्रिया दिनुहोस्
.jpg)
