८० किलो गाँजासहित मकवानपुरमा एक महिला पक्राउ
<p>हेटौंडा। प्रहरीले मकवानपुरमा घरमा लुकाएर राखेको ८० किलो गाँजासहित एक महिलालाई पक्राउ गरेको छ।</p>
<p>जिल्ला प्रहरी कार्यालय मकवानपुर अन्तर्गत इलाका प्रहरी कार्यालय मनहरीको टोलीले मनहरी गाउँपालिका-६ की फुलमाया तामाङ्गले घरको कोठामा लुकाएर राखेको गाँजा बरामद गरेको हो।</p>
<p>गएराति प्रहरी निरीक्षक श्रीशंकर श्रेष्ठको नेतृत्वमा खटिएको प्रहरीको टोलीले महिलालाई पक्राउ गरेको छ।</p>
<p>उनलाई हिरासतमा राखेर लागू औषध नियन्त्रण ऐन, २०३३ बमोजिम अनुसन्धान र कावाही प्रक्रिया थालिएको मकवानपुर प्रहरीले जनाएको छ।</p>
<p>उक्त ऐन अन्तर्गत दुईदेखि १० वर्षसम्म कैद र १५ हजारदेखि एक लाख रूपैयाँसम्म जरिवाना हुने कानूनी प्रावधान छ।</p>
प्रतिक्रिया दिनुहोस्
.jpg)
