.jpg)
टाईम कार्ड लागू गरेसँगै उपत्यकामा सवारी जाँचमा कडाई
<p>काठमाडौं। महानगरीय ट्राफिक प्रहरी महाशाखाले उपत्यकाका तीन जिल्लामा बिहानैदेखि सवारी जाँच कडा पारेको छ।</p>
<p>आजदेखि उपत्यकाका तीन जिल्लामा सवारीसाधन सञ्चालन गर्न समय निर्धारण (टाइम कार्ड) लागू भएपछि प्रहरीले जाँच कडा पारेको हो।</p>
<p>आजदेखि समय निर्धारण गरेर प्रयोजनबाहेक सवारीसाधन गुड्न रोक लगाउने निर्णय सँगै बिहानैदेखि कडाइ गरिएको महानगरीय ट्राफिक प्रहरी महाशाखाका प्रमुख एसएसपी भीमप्रसाद ढकालले <em>देखापढी</em>लाई बताए।</p>
<p>अहिले बिहान ९ बजेसम्मको विवरण अनुसार ट्राफिक प्रहरीले ३१६ वटा दुई पाङ्ग्रे र २४ वटा चार पाङ्ग्रे सवारी नियन्त्रणमा लिएको छ।</p>
<p>लकडाउनको उल्लंघन गर्दै सवारी गुड्ने क्रम दिन प्रतिदिन बढ्न थालेपछि निश्चित समय निर्धारण गरिएको हो।</p>
<p>प्रहरीले आजदेखि पास भएका सवारी साधन पनि बिना प्रयोजन गुडेको भेटिए नियन्त्रणमा लिने जनाएको छ।</p>
<p>आजदेखि निर्माण सामाग्री बोकेका ठूला सवारीसाधन उपत्यका भित्र राति ८-६ बजेसम्म प्रवेश गरिसक्नुपर्ने छ।</p>
<p>एक तिहाइ कर्मचारीको मात्रै उपस्थिति हुने गरी सञ्चालन गर्न भनेका कार्यालयका कर्मचारीहरूले बिहान ९ बजेदेखि साढे १० बजेभित्रमा कार्यालयमा पुगिसक्नुपर्ने छ।</p>
<p>त्यस्तै घर फर्किदा बैंक, वित्तीय संस्थाका कर्मचारीहरू दिउँसो साढे ३ देखि साढे ५ बजे र सरकारी कार्यालयका कर्मचारी बेलुका ५ देखि ६ बजेको तय गरिएको छ।</p>
<p>तरकारी, फलफूल, खाद्यान्न, इन्धन लगायतका अत्यावश्यक सवारीसाधन बिहान १० बजेसम्ममात्रै सञ्चालन हुन पाउने छन्।</p>
<p>पानी, स्वास्थ्यसम्बन्धी अत्यावश्यक क्षेत्रका सवारीसाधनका हकमा भने समय निर्धारण गरिएको छैन।</p>
प्रतिक्रिया दिनुहोस्
.jpg)
