कोभिड-१९ बाट ताप्लेजुङ मौवाखोलाका पूर्वगोर्खा सैनिकको बेलायतमा मृत्यु
<p>काठमाडौं। कोभिड-१९ बाट एक पूर्वगोर्खा सैनिकको मृत्यु भएको छ।</p>
<p>ताप्लेजुङ मौवाखोला स्थायी घर भएका ७७ वर्षीय कर्णबहादुर राईको उपचारको क्रममा हिजो, २७ वैशाखमा मृत्यु भएको लण्डनस्थित नेपाली दूतावासका प्रवक्ता शरदराज आरणले जानकारी दिए।</p>
<p>श्‍वासप्रश्‍वासमा समस्या देखिएपछि १० दिनअघि उनलाई मेडिस्टोन अस्पतालमा भर्ना गरिएको थियो।</p>
<p>राई तीन वर्षदेखि बेलायतको मेडिस्टोनमा श्रीमती, एक छोरा र एक छोरीसहित बस्दै आएका थिए।</p>
<p>बेलायतमा कोरोना संक्रमणबाट मृत्यु हुने नेपालीको संख्या ४५ पुगेको छ। <em>रासस</em></p>
प्रतिक्रिया दिनुहोस्
.jpg)
