लिपुलेकबारे दबाब दिन युवाहरूले पठाए परराष्ट्रमन्त्रीलाई एसएमएस
<p>काठमाडौं। भारतले नेपाली भूमि लिपुलेक हुँदै कैलाश मानसरोवर जाने सडक सञ्चालनमा ल्याएको छ।</p>
<p>उक्त सडक सञ्चालनमा ल्याइएपछि युवाहरूले मोबाइल एसएमएसमार्फत् परराष्ट्रमन्त्रीलाई दबाब दिन थालेका छन्।</p>
<p>राष्ट्रभक्त युवा सञ्जालका युवाहरूले परराष्ट्रमन्त्री प्रदीप ज्ञवालीलाई एसएमएसमार्फत् दबाब दिन थालेका हुन्।</p>
<p>भारतले २६ वैशाखमा धार्चुला-लिपुलेक सडकको उद्घाटन गरेको घटनाप्रति आपत्ति जनाउँदै युवाहरूले यसबारे भारतसँग कुरा गर्न दबाब दिँदै एसएमएस गर्न थालेका हुन्।</p>
<p>सीमा विवाद हुँदा सडकमा उत्रिएर आन्दोलन थाल्ने युवाहरू यतिबेला लकडाउनका कारण रचनात्मक दबाब दिइएको सञ्जालका अभियन्ता नरेश सिंह धामीले जानकारी दिए। </p>
<p>एसएमएसमा भनिएकाे छ, ‘हामीले कुटि, नाभी, गुञ्जी र कालापानी गुमायौँ, चुप बस्नुभयो। अब लिपुलेक गुमाउँदा पनि चुप लागेर नै बस्नुहुन्छ ? ’</p>
<p>यसअघि पनि यही समूहमा आबद्ध युवाहरूले सुदूरपश्चिममा कोरोना परीक्षण प्रयोगशाला निर्माण गर्नुपर्ने भन्दै सुदूरपश्चिमका मुख्यमन्त्रीदेखि संघीय तथा प्रदेश सांसदहरूलाई पनि दबाब दिन एसएमएस पठाएका थिए।</p>
प्रतिक्रिया दिनुहोस्
.jpg)
