दिवेशलाई अमेरिकन आइडलमा जिताउन नेपालमा प्रचार
<p>काठमाडौं। अमेरिकन आइडलमा नेपालका दिवेश पोखरेल ‘आर्थर गन’ टप १० मा छन्। अडिशनदेखि नै चर्चामा रहेका दिवेशले दिनप्रतिदिन आफ्नो प्रस्तुती बलियो बनाउँदै लगेका छन्।</p>
<p>टप २० बाट सीधै टप १० मा प्रवेश गरेका उनी अब टप ७ मा पुग्‍ने छन्। टप २० बाट भोटिङमार्फत उनको आइडल यात्रा भइरहेको छ।</p>
<p>पहिलो पटक उनले ३६ मिलियन अर्थात् ३ करोड ६० लाख भोट पाएका थिए। अब उनलाई टप ७ मा प्रवेश गराउनका लागि नेपालमा प्रचार शुरु गरिएको छ। आज बिहान कलंकी क्षेत्रमा भोटको अपिल गर्दै उनकै ९३ वर्षीया हजुरआमा सडकमा उत्रिएकी छन्। </p>
<p>काठमाडौंका स्थायी बासिन्दा रहेका दिवेशलाई अमेरिकन आइडलको यो सिजनको उपाधि दिलाउन उनको परिवार र टोलबासी प्रचारमा लागेका हुन्। </p>
<p>दिवेशकी फूपू मञ्जु पोखरेलले दिवेशलाई भोट गरेर नेपाल र नेपालीको समेत नाम उच्च राखिदिन सबैमा अनुरोध गरेकी छन्। आफ्नो परिवारले सोचेभन्दा राम्रो गर्दै गएको उनको प्रतिक्रिया छ । </p>
<p>दिवेशलाई नेपालबाट औपचारिक रूपमा भोट गर्न मिल्दैन। तर भीपीएनको मद्दतबाट उनलाई भोट गर्न सकिन्छ। </p>
<p>अब भोलि २८ वैशाखमा प्रतियोगिताको टप ७ छानिनेछन् भने आगामी १७ मेमा अमेरिकन आइडल घोषणा गरिनेछ।</p>
प्रतिक्रिया दिनुहोस्
.jpg)
