कोभिड-१९: सिरियाको दारुण चित्र
<p>दमास्कस। समाचारमा प्रस्तुत गरिएका तस्वीरहरू सिरियाको विद्रोही नियन्त्रणमा रहेका इलाकाका हुन्। यहाँका घरहरू माटोमा मिलिसकेका छन्। तिनको सरसफाइ आफैंमा ठूलो चुनौती हो। त्यसमाथि अहिले कोरोना भाइरसको संक्रमणबाट सुरक्षित रहने चुनौती थपिएको छ।</p>
<p>तस्वीरमा बालबालिका ‘ठूलो इफ्तार’का लागि बसेको देखिन्छन्। वर्षेनि मुसलमान समुदायका लाखौं मानिस ३० दिनसम्म दिनभर निराहार व्रत बस्छन् अनि साँझमा इफ्तार गर्छन्।</p>
<p style="text-align:center"><img alt="" height="368" src="https://www.dekhapadhi.com/storage/photos/shares/International/Syria.jpg" width="624" /></p>
<p>सिरियामा कोरोना भाइरसको संक्रमण फैलिन नदिन गत अप्रिलदेखि विभिन्न नियम लागू गरिएको छ। तर, युद्धग्रस्त मुलुकका अधिकांश इलाका ध्वस्त छन्। घरबारविहीन नागरिकमाझ भौतिक दूरी कायम राख्नु ठूलो चुनौती देखिएको छ।</p>
<p>समाचारमा समावेश भएका तस्वीर अलेप्पोको पश्‍चिमी क्षेत्र अतरेबका हुन्। मानिसलाई इफ्तारका लागि बसाउनुअघि सिभिल डिफेन्स कार्यकर्ताले कीटाणुनाशकबाट सफाइ गरेको दाबी आयोजकको दाबी छ।</p>
<p>सरकार नियन्त्रित इलाकामा शुक्रवार कोभिड-१९ का दुई नयाँ बिरामी फेला परेका छन्। समाचार एजेन्सी रोयटर्सका अनुसार त्यसका साथ सिरियामा कोभिड-१९ का ६४ बिरामी पुगेका छन्।</p>
<p>विद्रोहीको नियन्त्रणमा रहेको उत्तर पश्‍चिमी क्षेत्रमा हालसम्म कोभिड-१९ का बिरामी फेला परेका छैनन्। ४० लाखभन्दा बढी जनसंख्या रहेको त्यस इलाकामा अहिलेसम्म केही सयको संख्यामा मात्र परीक्षण भएको छ।</p>
प्रतिक्रिया दिनुहोस्
.jpg)
