कञ्चनपुरमा ड्रोनबाट लकडाउन निगरानी गरिँदै
<p>कञ्‍चनपुर। भीमदत्त नगरपालिकाले लकडाउन पालना गराउन ड्रोनबाट निगरानी थालेको छ।</p>
<p> नगरपालिका १९ वटै वडामा ड्रोनमार्फत निगरानी बढाइएको हो।</p>
<p>रोबोटिक एसोसियसन अफ नेपाल इन्जिनिरिङ्ग र भीमदत्त नगरापलिकाबीच ड्रोन गस्ती गर्ने सम्झौता भएको हो।</p>
<p>कोरोना भाइरस स्क्रमणको जोखिम न्यूनिकरण गर्न गरिने ड्रोन गस्तीको क्रममा कोही कसैले लकडाउन उल्लंघन गरेको पाइए तत्काल पालना गराउन निर्देशन दिइने मेयर सुरेन्द्र विष्टले बताए।</p>
<p>ड्रोनबाट गरिएको निगरानीलाई आधार बनाएर लकडाउन पालनालाई प्रभावकारी बनाउन स्थानीय प्रशासनसँग समन्वय गरिने उनको भनाइ छ।</p>
<p>गस्तीका क्रममा नगरपालिकाको कुनै स्थानमा भीडभाड देखिएमा ड्रोनबाटै हट्न निर्देशन दिइनेछ।</p>
<p>ड्रोन गस्तीका लागि सुदूरपश्चिमाञ्चल विश्वविद्यालय इन्जिनियरिङ्ग संकायका विद्यार्थीले समेत सहयोग गरेका छन्।</p>
प्रतिक्रिया दिनुहोस्
.jpg)
