सिंहदरबार क्षेत्रमा चिनियाँ नागरिक र प्रहरीबीच झडप, ४५ जना पक्राउ
<p>काठमाडौं। जबर्जस्ती सिंहदरबार क्षेत्र प्रवेश गर्न खोजेपछि चिनियाँ नागरिक र प्रहरीबीच झडप भएको छ।</p>
<p>हातमा प्लेकार्डसहित पुगेका उनीहरू एकपछि अर्काे भेला भएर भित्र प्रवेश गर्न खोजेपछि त्यहाँ झडप भएको महानगरीय प्रहरी परिसर काठमाडौंका प्रमुख एसएसपी श्यामप्रसाद ज्ञवालीले जानकारी दिए।</p>
<p>प्रहरीले बल प्रयोग गरेर उनीहरूलाई त्यहाँबाट तितरबितर पारेको उनले जानकारी दिए।</p>
<p>सिंहदरबार क्षेत्रमा भेला भएका र आसपास क्षेत्रका ४५ जनालाई प्रहरीले नियन्त्रणमा लिएको छ। नियन्त्रणमा लिएका सबैलाई पुलिस क्लबको हिरासतमा राखिएको छ।</p>
<p>नेपालमा अलपत्र परेका केही चिनियाँ नागरिकहरू आफ्नो देश फर्किन खोजेका छन्। उनीहरूले दूतावासमा गएर पनि घर फर्काइदिन आग्रह गर्दै आइरहेका छन्।</p>
<p>झडपका क्रममा केही प्रहरी पनि घाइते भएका छन्।</p>
<p style="text-align:center"><img alt="" height="726" src="https://www.dekhapadhi.com/storage/photos/shares/Social/chinese arrest2.jpg" width="1200" /></p>
<p> </p>
प्रतिक्रिया दिनुहोस्
.jpg)
