मोरङ र बारामा दुर्घटना हुँदा दुईजनाको मृत्यु
<p>काठमाडौं। मोरङ र बारामा भएका दुर्घटनामा दुईजनाको मृत्यु भएको छ।</p>
<p>मोरङको कानेपोखरी गाउँपालिका-७ मा को २५ प ३८८९ नम्बरको मोटरसाइकलले ठक्कर दिँदा बेलबारी नगरपालिका-८ बस्ने पैदलयात्री ४० वर्षीया शान्ता राजवंशीको मृत्यु भएको हो।</p>
<p>दुर्घटनामा गम्भीर घाइते भएकी उनलाई उपचारका लागि मंगलबारे अस्पताल उर्लाबारी लैजाने क्रममा बाटोमै मृत्यु भएको हो।</p>
<p>मोटरसाइकल चालकलाई प्रहरीले नियन्त्रणमा लिएको छ।</p>
<p>त्यस्तै बाराको महागढीमाई नगरपालिका-१० मा ना ४६ प ३६५९ नम्बरको मोटरसाइकल कल्भर्टमा ठोक्किएर दुर्घटना भई लडिरहेका युवकलाई प्रदेश २–०३–००१ च ४८४ नम्बरको गाडीले ठक्कर दिएकाे थियाे।</p>
<p>गाडीकाे ठक्करबाट मोटरसाइकल चालक २५ वर्षीय पशुरामप्रसाद यादवको मृत्यु भएको हो।</p>
<p>गम्भीर घाइते भएका उनलाई उपचारको लागि कलैयातर्फ लैजाने क्रममा बाटोमै मृत्यु भएको प्रहरीले जनाएको छ।</p>
<p>गाडी र चालकलाई प्रहरीले नियन्त्रणमा लिएको छ।</p>
प्रतिक्रिया दिनुहोस्
.jpg)
